Winde van verandering: God is an Open Mind

Sondagdiens

3 Maart 2019

ŉ Week gelede in ons ACIM groep by Kolping, waar ons Rob Bell lees, het ons gevra, “Wie/Wat is God vir jou?” Verskillende antwoorde is gegee vanuit elkeen se ervaring van dit wat ons beskryf as ‘God’. Hier is ŉ paar beskrywings wat ons op die bord geskryf het: allesinsluitende Liefde, Lig, Energie, dit wat Konstant is, die Onspreeklike, Anker, Asem, Vrede, Knowing, Awareness, Presence, Always with me, Creative, Creation, the great I AM, Power, Source, the Beyond and Within, Essence of life, infinite Compassion and infinite Grace.

Elkeen van hierdie beskrywings lê in ons ervaringswerklikheid en nie een van hulle poog om ŉ definisie, dimensie, of vorm van God te wees nie. Soos ons toe ook vir mekaar gesê het, “Te dikwels wil mense net sê WAT God is en kan nie woorde vind HOE ons God ervaar nie.” Woorde is dalk die begin van alle misverstand en moet ons volstaan by ŉ stil-wete dat vir my en jou is dit genoeg om dit net te voel, net te weet — soos die liefde vir ŉ beminde, soos die ervaring van liefde deur ŉ geliefde.

Dit is so bevrydend om op ŉ plek in jou lewe te kom waar ons elkeen se unieke ervaring van God nie geweeg of gemeet word aan ŉ reg-of-verkeerd nie. Waar ons die vryheid het om dit met mekaar te deel sonder vrees vir veroordeling of verwerping. Om ons eie woordeskat te vind om hierdie belewenis met mekaar te deel sonder om te verval in teologie of dogma. Ons het ŉ vêr pad gekom van waar ons was tien en twintig jaar gelede en miskien neem ons dit soms vanselfsprekend want glo my, vir miljoene Christene is hierdie vryheid ŉ geskenk wat nog nie oopgemaak (of toegelaat) is nie.

Vir die volgende paar weke van Maart gaan ons gesels oor — WINDE VAN VERANDERING — en Sondag afskop met ŉ gesprek oor: GOD IS AN OPEN MIND!

Dit is onvermydelik dat wanneer die winde van verandering begin waai, gebeur een van twee goed — óf mense raak fundamentalisties (ŉ vasklou aan wat bekend en seker is ten koste van vooruitgang), óf mense soek ŉ nuwe manier van dink en doen deur progressief te herdink en herdefinieer. Ek het nog nooit van die woord liberaal gehou nie. Dit klink so voortvarend en meer as dikwels ŉ pendulum swaai na net nog ŉ vorm van fundamentalisme.

Die term, ‘progressief’ het die laaste paar jaar weer sterk na vore gekom in ons politieke, sosiale, en godsdienstige diskoers. Met ‘progressief’ word bedoel — om vernuwend te dink en ten gunste van sosiale verandering te wees. Ek glo dit is ŉ gesonde ontwikkeling want dit beklemtoon hervorming en modernisering — iets wat ooreenstem met die gees van die Hervorming soos wat die kerk laas in die vroeë 16de eeu ervaar het.

Dit is nie ŉ verandering ter wille van verandering nie, maar ŉ fundamentele skuif om ons moderne samelewing te herdefinieer in ŉ gesofistikeerde en relevante gesprek oor en met God. Dit is so, die lewe van vandag neig tot groter kompleksiteit en elke groot transformasie gaan gepaard met ŉ eerlike soeke na ŉ nuwe verstaan van wie ons is en waarheen ons op pad is. Versnelde verandering vra vir duursame waardes en ŉ erkenning dat ons nie net mag nie, maar ŉ verstaan van fundamentele verandering en vernuwing móét verken, koester, en kultiveer.

Twee voorbeelde: As ons sê, GOD IS LIEFDE en die woorde van die Johannes briewe ernstig opneem dan kan ons nie net God ken in die liefde wat ons ervaar en deel nie maar ook God sien in die liefde wat ons aan mekaar openbaar. Dit laat geen ruimte vir liefde met ŉ agenda of wat kom met voorwaardes en behoeftes nie. Dit is ŉ allesinsluitende liefde. Dit is ŉ liefde wat triomfeer oor ons vrese van wie is in en wie is uit, wie is reg en wie is verkeerd.

Tweedens, die Hebreeuse woord RUAG kan vertaal word met “asem,” “wind,” of “gees” en die RUAG JHWH is die Gees van God. Die Griekse woord is PNEUMA en die Sanskrit woord is PRANA. In die tradisionele Christendom word die Heilige Gees gesien as die Derde ‘PERSOON’ in die Heilige Drie-Eenheid. ŉ Meer progressiewe ervaring sou wees dat die Heilige Gees die Teenwoordigheid van God beskryf. In die Spirituele Psigoterapie word na die Heilige Gees verwys as die Stem vir God. Die Nuwe Testament verwys na die Heilige Gees in Grieks as die Heilige Asem van God, en vandag weet ons vanuit die kwantum wetenskap dat die ‘Asem van God’ (Divine Consciousness) in ALLES en ALMAL reflekteer ongeag ons kultuur, nieteenstaande ons tradisies, ten spyte van eeue se dogmatiese waarhede.

Skielik is dit asof hierdie RUAG (wind/gees/asem) ons lugballon laat opstyg en soos wat dit ons hoër en hoër vat, kry ons skielik ŉ hele nuwe perspektief oor die wêreld waarin ons leef. Dit vervang nie die waarhede waarmee ons grootgeword het nie, dit brei dit uit. Skielik sien ons alles in konteks en maak dit ons nederig om enersyds te besef hoe klein ons is maar andersyds hoe groot ons bydrae is wat ons (kan/mag/moet) maak.

Toe daar vir die teoloog John Shelby Spong in ŉ TV onderhoud gevra is hoe hy “Progressive Christianity” verstaan, was sy antwoord, “I want them to know the meaning of the Gospels as a whole and to experience it as a doorway into a new dimension of life. It is also a journey into the heart of life, a journey beyond the boundaries of life and ultimately a journey into both a new consciousness and a whole new understanding of what Christianity is.”

Op die webblad progressivechristianity.org verskyn die volgende 8 punte wat dit beteken om onsself “Progressive Christians” te noem en ons gaan dit eerskomende Sondag bespreek:

By calling ourselves progressive Christians, we mean we are Christians who…

Believe that following the path and teachings of Jesus can lead to an awareness and experience of the Sacred and the Oneness and Unity of all life;
Affirm that the teachings of Jesus provide but one of many ways to experience the Sacredness and Oneness of life, and that we can draw from diverse sources of wisdom in our spiritual journey;
Seek community that is inclusive of ALL people, including but not limited to:

Conventional Christians and questioning sceptics,
Believers and agnostics,
Women and men,
Those of all sexual orientations and gender identities,
Those of all classes and abilities;

4. Know that the way we behave towards one another is the fullest expression of what we believe;
5. Find grace in the search for understanding and believe there is more value in questioning than in absolutes;
6. Strive for peace and justice among all people;
7. Strive to protect and restore the integrity of our Earth;
8. Commit to a path of life-long learning, compassion, and selfless love.

Onthou ons Werkswinkel Saterdag saam met Stefan Blom wat gaan gesels oor VERHOUDINGS: om te werk aan dit wat werk; konflik hantering; hoe om jou verhouding/huwelik nuwe lewe te gee as gewoonte en vanselfsprekend ingeskop het; verskillende verhoudings in gesinsverband en vertrouensbreuk. Bespreek by registrasies.neospektrum@gmail.com

Geseënde week vir jou.

Terblanche

Terblanche is sedert September 2011 die geestelike leier van Neo-Spektrum.

.

GEDAGTE VIR DIE WEEK

"The wind of change,
whatever it is,
blows most freely
through an open mind."
― Katharine Whitehorn ―

.

A COURSE IN MIRACLES

STAD: 11 Maart 2019 @ 19h30
KOLPING: 7 Maart 2019 @ 19h30
Ons lees hierdie jaar Rob Bell se boek:
"What We Talk About When We Talk About God"
[bring steeds jou ACIM boek saam]