1 September 2013

Hierdie week se liturgie: 1_september_2013

Laat my toe om te begin met ŉ GROOT dankie! Die laaste nege maande was ŉ geboorte in al die beddings van Neo-Spektrum waarvan die groei in getalle elke Sondag hartverblydend is ... maar ook die toewyding, gesindheid, verantwoordelikheidsin en entoesiasme van almal wat ons tuin Sondae of ACIM groepe deur die week besoek; werkswinkels of boekklub; uitnodigings vir huisbesoek of betrokkenheid by ons leierspan. Met groot waardering sê ek dankie — en kom ons doen so voort!
Dis ŉ nuwe maand en alhoewel die Kaap se winters hom min steur aan die maande wat met ŉ –ber eindig, is dit eerskomende Sondag amptelik die begin van ŉ nuwe seisoen en gaan ons dié maand gesels oor “THE POWER OF INTENTION” -- Marianne Williamson skryf ŉ tyd gelede op haar webblad die volgende: “Every experience we go through is a mirror. So if we aren’t happy with our lives, every situation provides an opportunity to change our thoughts, create new energies, and respond differently. Once you know that everything in your life arises from consciousness, you start to look pretty closely at what goes on between your ears. Change that, and you can change the world.”
Die woord ‘spiritualiteit’ het vir baie mense ŉ vervanging geword van die woord ‘religie’ wat wil sê dat dit merendeels gaan oor inhoud as oor vorm. Alhoewel spiritualiteit meer persoonlik is as die groepsverband van religie bly die doel van spiritualiteit om mede-eienaarskap te aanvaar vir ons samewerking tussen mekaar en ons toewyding in ons verhouding met God. Religie leer ons attention terwyl spiritualiteit gaan oor intention. Wat belangrik is om te onthou, is dat God nie een van die twee oordeel nie. Daar is net een spirituele realiteit en dit is dat niks buite God se insluitende liefde lê nie, of mense dit nou (h)erken of nie, ons tap in daardie Bron van kreatiwiteit met elke gedagte. Mens sou kon sê dat attention gaan oor die WAT? terwyl intention gaan oor die HOE?
Wat maak ŉ lewe spiritueel? Net één ding: intensie! Dit sluit begrippe soos consciousness, awareness, presence, awakening and rebirth in maar al vyf hierdie beskrywings begin met ŉ intensie! As jy 5 mense met ŉ videokamera moet volg van geboorte tot sterwe is daar geen eksterne manier om te sê wie is spiritueel en wie nie maar jy sal wel kan sien deur noulettend te wees oor elkeen se intensies. Die een wat met liefde omgee en emosionele wonde heel met woorde van erbarming en ontferming sal instinktief ŉ intensie manifesteer wat so persoon se spirituele insig (wysheid) en uitsig (waarheid) reflekteer. Sodra die saadjie van spiritualiteit gesaai is, sal die siel outomaties die vrug van intensie ontvou. As ons dít verstaan, kan ons daarmee omgaan. Kom ons staan Sondag stil by vyf basiese spirituele intensies:
1.      Ons wil God se teenwoordigheid voel: Hierdie intensie is gewortel in ŉ diep onderliggende emosie van isolasie en verwydering (separation). Wanneer ons voel God is ‘vêr’ of ‘onbetrokke’ in my lewe is daar ŉ stille eensaamheid wat ons nie kan ontvlug nie maak nie saak hoeveel vriende ons het of hoe ons sosiaal fladder nie. Dit is nou maar eenmaal so dat elke mens wil innerlike vervulling en vrede ervaar. Ons wil weet ons is okay maak nie saak of ons alleen, of al een, of in ŉ skare van mense is nie.
2.      Ons wil hê God moet ons help en ondersteun: Ons het dit al baie gesê – God se teenwoordigheid ontsluit die kwaliteite van liefde, vreugde, vrede, geduld, vriendelikheid, goedheid, getrouheid, nederigheid en selfbeheersing. Namate hierdie vrugte toeneem in ons lewe, weet ons dat ons intensies geanker is in die taal van die siel.
3.      Ons wil voel ons is deel van ŉ geheel: ACIM sê so mooi “the soul’s journey takes a person from a fragmented state to a state of wholeness” en so voel ons meer connected met onsself, mense om ons, die natuur en uiteraard met God. Hierdie intensie bring ŉ simplisiteit waarmee ons na die wêreld om ons kyk en na onsself in die wêreld. Daar is ŉ sensitiwiteit wat aanvoelbaar eerlik is.
4.      Ons wil hê dat ons lewe betekenis het: Osho skryf in sy boek “Awareness” die volgende – “Existence feels empty in separation, and this gets healed only by moving into unity with God.” Spirituele intensie help ons om op te hou om fanaties rond te skarrel opsoek na iets buite onsself wat ons gelukkig moet maak en help ons onthou wat die vervulling is van ons werklike doel.
5.      Ons wil vry wees van beperkinge: Innerlike vrede verdamp as ons begin kompromieë maak met ons vrese. ACIM leer dat alle vrees is ŉ projeksie van die ego dat ons verwyderd is van God. Marianne Williamson sê êrens “Every day, we have a chance to live from lower energies or higher ones. We can blame or we can bless; we can judge or we can forgive; we can complain or we can contribute. Those choices determine who we are in the world, and what kind of world we’re creating for ourselves and those around us.”
Soos hierdie basiese intensies deel word van ons ritme en harmonie, sal ons ervaar hoe God in ŉ duisend stemme, op ŉ duisend plekke, in ŉ duisend maniere vir ons wys HOE. Kom ons begin ons nuwe maand met ŉ uur tussen 10h00 en 11h00 op Sondag en dan gesels ons oor die tien grondreëls van bogenoemde vyf INTENSIES. En daarna eet ons lekker saam.