Die Boekgroep kom normaalweg op die eerste Maandagaand van die maand om 19:00 by Queenstraat, De Rust H09, Durbanville bymekaar. Sien ook aanwysings onderaan hierdie blad.

By die Boekgroep stel ‘n lid ‘n boek of onderwerp aan die groep voor. Dit dien as aanknopingspunt vir verdere gesprek en bespreking. Op hierdie wyse neem die lede kennis van boeke, asook die skrywers, wat tot spirituele verryking lei.

Ander verwante vakgebiede en kwessies word ook aangeraak. Soms word ‘n kundige genooi om oor ‘n boek of onderwerp te kom gesels. Dit is egter die uitsondering aangesien die doel is om die groeplede so veel moontlik self aan die woord te stel.

Natuurlik is daar elke keer ook die geleentheid om gesellig saam te verkeer en lekkernye te geniet.

Die Boekgroep bestaan uit ongeveer 15 lede, maar nuwe lede is altyd welkom.

Die Boekgroep is op 28 Mei 2013 deur Leonie van Heerden en Chrisna Smuts gestig. Sedertdien het Die Boekgroep reeds 79 keer vergader.Die Groep het dus reeds hulle 10de verjaarsdag gevier.