“Every person needs to take one day away.  A day in which one consciously separates the past from the future.  Jobs, family, employers, and friends can exist one day without any one of us, and if our egos permit us to confess, they could exist eternally in our absence.  Each person deserves a day away in which no problems are confronted, no solutions searched for.  Each of us needs to withdraw from the cares which will not withdraw from us.”
― Maya Angelou, Wouldn't Take Nothing for My Journey Now
Dit gesê, neem die rabbi-priester ʼn bietjie verlof en sal weer 30 Oktober op my pos wees. Dr Rudi Labuschagne sal vir my instaan en soos altyd die Sondae kleur met padkos vir die week. Hoop die Kapel is elke Sondag oorloop, oorvol en dat almal Oktober, ‘die mooiste mooiste maand’ met grasie en liefde sal seën.
ʼn Paar belangrike goed vir Oktobermaand --

• Ons wil graag weer voor die einde van die jaar ʼn keurige Nuusblad uitgee in die boeke-formaat soos die vorige keer. Kan ek asseblief vra dat jy iets vir Marguerite sal stuur — miskien ʼn kort paragraaf wat Neo-Spektrum vir jou beteken, ʼn gedig, ʼn mooi aanhaling of sommer net ʼn paar gedagtes van jou drome en wense vir laaste skof van die jaar wat voorlê. Stuur dit asseblief aan marguerite.moody@gmail.com
• Die dagbestuur van Neo-Spektrum het besluit om die maand van Oktober ʼn spesiale kollekte te vra in die boksie by die deur met ‘DANKIE’ op vir Oelof Marais se ‘oogoperasie’ om sy sig terug te kry en wil vra dat julle Sondae iets ekstra in die Dankie-Boks by die deur sal sit daarvoor.
• Gepraat van bydraes, kom ons stel weer die 10de maand se spesiale Dank-Bydraes in ...? Daar is verskeie maniere waarop jy ʼn bydrae kan maak hetsy deur ʼn koevert in die mandjie Sondae, ʼn debietorder teken of ʼn maandelikse EFT doen. Jy kan selfs SnapScan gebruik. Stuur net vir my of vir Edward ʼn epos by ecs@telkomsa.net en ons sal die nodige inligting by jou uitkry. Ons bankbesonderhede is — ABSA: Neo-Spektrum, Takkode: 632005, Rekening: 4083481065

Al ons fondse word aangewend om Neo-Spektrum te bestuur en vir die volgende jaar te begroot asook ons verskeie projekte te beplan en befonds. Hierin kan jy ʼn aandeel hê om saam met ons verantwoordelik te neem vir ons inkomstes en uitgawes. Asseblief.
Met dit, wens ek vir elkeen van julle ʼn wonderlike maand wat voorlê. Ek belowe om met ʼn knapsak vol besieling en ʼn spens vol inspirasie die pas op te tel oor ʼn paar weke.

Liefdegroete
Soos altyd
Terblanche

🌺 ACIM — Hervat na verlof

Besoek ons Facebook ​

Gedagte vir die Week:
“We need work as much as we need rest; the two complement each other, one drawing power and enjoyability from the other. Rest is sweet after work, and work enjoyable after a good rest.” ― Innocent Mwatsikesimbe, ‘The Vision’